Texter/Lyrics/Tevsta

 
<-Tillbaka/Back
 
Skriv ut/Print
 

Biejvve vássám le

Vuojnák mánov,
badjánime alme vuosstij.
Silbban tjuovggá,
almemáddarin.
Idja jåvsåt,
gåbttjå gájkka sjievnnjedin.
Buktá ráfev,
vuomij, várij badjel.

Vuojnák nástijt,
almme dievas nástijs le.
Mujttali,
láhppum giehtojt dålutjis.
Gulldala,
nástij tjáppa lávllagijt.
Doalvvu duv,
sijá niegoj ednamij.

Gulá gus,
ållu sjávot vuomen le.
Idjaruodjo,
njávkat soahkegierragijt.
Idjalådde,
vássá jasska háleda.
Sjievnnjedin
oagot, dån le oaddámin.

Mánno sledju,
lidna bároj sinna.
Guolle niegat,
jávre tjiegos niegov.
Silbbadávver,
guojttá tjieg?alisán.
Oaddáju
då dal gieres mánátjam.

Niegada,
ihttásj biejve suohttasijt.
Mälggadin,
guovsojnásste gåhtsemin.
Nahkára,
boahtám viettjatjit duv.
Doalvvu duv,
sijá niegoj ednamij.