Texter/Lyrics/Tevsta

 
<-Tillbaka/Back
 
Skriv ut/Print
 

Snuogge Stálppe

Stálppe snuoggá ruoddnis gietten,
ájttsá unna väppsátjav.
Vuorde, unna viepsesráddnam,
boadáv ruvva båråv duv.

Allu allu, då dal bårru muv,
båståv, båståv unna njunjátjav.
Allu allu, då dal bårru muv,
njunnje de båhtånisj.

Stálppe snuoggá ruoddnis gietten,
ájttsá unna låttåtjav.
Vuorde unna lådderáddnam,
boadáv ruvva båråv duv.

Allu allu, då dal bårru muv,
buorre soaje galla mujna li.
Allu allu, då dal bårru muv,
hállánav alme vuosstij.

Stálppe snuoggá jåhkågáttev,
ájttsá unna tjävrrátjav.
Vuorde unna tjievresráddnam,
boadáv ruvva båråv duv.

Allu allu, då dal bårru muv,
gievras juolge galla mujna li.
Allu allu, då dal bårru muv,
valle lev vuojatjit.

Stálppe snuoggá suohkkis vuomen,
ájttsá unna riehpihav.
Vuorde unna riebijráddnam,
boadáv ruvva båråv duv.

Allu allu, då dal bårru muv,
tjiegos liesso galla mujna le.
Allu allu, då dal bårru muv,
suog?alav iehtjam liessuj.

Stálppe snuoggá bievllarabdan,
ájttsá unna mäsátjav.
Vuorde unna miesseráddnam,
boadáv ruvva båråv duv

Allu allu, då dal bårru muv,
gievras juolge galla mujna li.
Allu allu, då dal bårru muv,
bádar de tjuosko vuolgáv.

Stálppe snuoggá sijddabájkev,
ájttsá unna bednagav.
Vuorde unna benaráddnam,
boadáv ruvva båråv duv.

Allu allu, då dal bårru muv,
boanndim smidás, jálos bivdár le.
Allu allu, då dal bårru muv,
boahtá duv vuotjátjit.